خبز الساندويتش مدور او اصنعيه في منزلك اليك الطريقة
3 زلايف فورص
4 معالق سنيدة
4 معالق نيدو
1 معلقة كبيرة خميرة الخبز
نص معلقة ملحة
4 معالق زبدة تكون بدرجة حرارة الفرن ندوبوها فالماء الدافئ تقريبا زلافة ونص من الماء
1خميرة الحلوى
1 بيضة
نعجنو كلشي مزيان باستتناء البيضة مللي تدلك العجينة نزيدو البيضة ونعاودو ندلكوها نشكلو منها كريصات متوسطين ونحطوهم متبتعدين فلاطة مدهونة مللي نساليو العجينة نرجعو لاول كريصة ونبسطوها شوية نخليوهم يخمرو 1 ساعة وندهنوهم بخليط البيض والحليب ونرشوه بالجنجلان وندخلوهم يطيبو
للحشو:
*2 حبات كورجيت محكوكين طوال و2 حبات من الجزر محكوك رقيق وطويل نشحرو الجزر فمالقلة مع الملح وقطعة من الزبدة ورشة ابزار عاد نزيدو الكورجيت .نخليوهم يبردو عاد نزيدوه على رابعة من كفتة البقري بالعطرية ديالها (كمون ابزار تحميرة ملح سكينجبير ربيع مقطع ) وبيضة واحدة ونخلطوهم مزيان ندخلوهم للثلاجة تايبرد ونشكلو منهم كويرات متوسطين وغلاظ ونحمروهم فمقلة تفال فكمية قليلة من الزيت
*بصلة متوسطة مقطعة شرائح رقيقة بزاف
*ربع حبة متوسطة ديال الملفوف (المكور) مقطع رقيق ونرشوه بشوية من الملح
ناخد الخبز ونحلوه ونضع شوية من الملفوف تم قطعة من الكفتة تم شرائح من البصل تم كمية من الموتزاريلا او قطعة من الفرماج المربع ونسدو الخبز
ناخد الة البانينى ونضع فيها الخبز باش يدوب الفرماج وبالف هناء جربوهم
