وصفة الشعر الزايد و كتبيض في نفس الوقت :
نصيحة بالنسبة للشعر الزاءد يكدب عليك كادب يقولك كيتحيد بشكر نهاءي الا باليزر على العموم عندي وصفة كتنقص الشعر الزايد و كتبيض في نفس الوقت كنديرها انا شخصيا هي بياض بيضة+نشا يعمل كعجينة و يوضع على الوجه حتى ينشف و نبداو نفركو الوجه عكس نمو الشعر و كنغسلو بالماء الدافي ثم البارد تستخدم مرة في الاسبوع.
الوصفة الصحراوية لتوحيد لون الجسم :
اما بالنسبة لتوحيد لون الجسم انا استعمل الوصفة الصحراوية راها معروفة في النات عرفتي نتاءج خيالية و اقسم بالله عن تجربة المهم غادي نكتبها ليك كنفيضو لتر من الحليب +صابونة دوف محكوكة+باكية غاسول ابيض "الزوين"+نص قرعة ماء ورد المهم نخلط الكل و نضعه في قارورة زجاجة في الثلاجة الغد كنلقاوه بحال لكريم اوا خليه في الثلاجة حتى تبغي تستعمليه ديري لجسمك كولو انا مكنديرش لوجهي حيث بشرتي حساسة كنديرو في الحمام حتى نحك و ملي نكون دايرا دملور لشعري كنديرو الوصفة لحمي كنبقا شي 15 دقيقة او اكثر او كنغسل واو على رطوبة ديريها كل حمام و تفكريني اوا ملي تفكريني دعي معايا بالشفاء العاجل.
