البايلا

ناخد طنجرة فيها قطع الدجاج و الكروفيط و الكلمار بدون صليق + فلفلة مربعات و خيزوة مربعات + جلبانة و كرعة مربعات + زيت مخلط + بصلة مشلظة رقيق + 2 وراق موسى + 2 ثوم ونشحر مزيااان + زلافة الروز اصفر + تحميرة + ملح + ابزار + راس م ص كامون + عطرية الحوت + يتشحر مع شوية الما نص كاس ونشحر مزياان ومن بعد نضيف 2 زلايف الما - ممكن استعمال الما اللي تصلقو فيه قشور الكروفيط + الربيع ونسد الكوكوط مللي تصفر نقص البوطة ونخليها طيب على مهل 

نخرج كولشي ونديرها في مول زجاج فيه الروز و الدجاج و شوية الكروفيط ما الفوق و الفلفة دوائر مشحرة في م ك الزيت وملح ونديرها من الفوق وندخلها الفران 10 دقايق

طريقة اخرى - بايلة ساهلة - ام هند 

في طنجرة نحك 2 مطيشة كبار بالزريعة + بصلة صغيرة محكوكة + م ك ونص مطيشة الحك + فلفلة طويلة + 2 ثوم محكوكين + الربيع + الزيت + الابزار + ملح + سكينجبير + الزعفران + راس الحانوت قبصة تقليه غير شوية + زلافة الروز + 2 زلايف الما + الجلبانة نخليه يطيب نسد الكوكوط شوية 10دقايق من بعد الغليان ونحلو 

الكروفيط نصاوبو مع الملح و الابزار و الزيت ونضيفو عليه مللي يطيب 

ايلا بغيتي ديريه بالدجاج نديرهم من الاول يتقلاو مع مطيشة

اقرء المزيد

حساء بلبولة الشعير بالاعشاب

رابعة البلبولة رقيقة

في طنجرة بصلة محكوكة رقيقة + نص كاس زيت العود + 3 ثوم محكوك او صحيح ونحيدها من بعد ونشحر شوية + ملح + مطيشة محكوكة + م ص سانوج + م ص حب رشاد + زعتر + فليو + 2 اوراق النعناع + معدنوس + ابزار + نص م ص الكامون ربع م ص سكينجبير + خرقوم بلدي + نغسل البلبولة ونضيفو ونخليه يتشحر شوية + الماء ايطرو تقريبا ونخليه يطيب غير يغلى و نقص البوطة ونخليها طيب

اقرء المزيد

طاكلياطيل بالكفتة بالصلصة البيضاء

 

نص كيلو الطاكلياطيل ندير 2 ايطرو الما يغلى مزياااان + ورقة موسى + 1 ثوم صحيح + م ص الزبدة + شوية الزيت + ملح + ابزار ونرميها 

مللي تصلق نغسلها بالما بارد ونخليها تسقطر 

بصلة مشلظة رقيقة بزاااف + 1 ثوم + الزيت + م ص الزبدة ونشحرها مزياان + الكفتة بدون توابل + الملح و الابزار وسكينجبير + شوية الكوزة + 2 نعناع + الحبق 4 اواق مقطع رقيق ونشحر شوية + كاس كريم فريش او 4 ياغورت بدون سكر + 4 فرماج ممعوسين ونخليه فوق النار غير شوية ونطفيها خص لاصوص يكون جاري حيث الطاكلياطيل غادي تشرب 

نخوي الصلصة على الطاكلياطيل ونخلطها ونحك الفرماج ونديرها في مول وندخلها الفران 10 دقايق من الفوق و لتحت

اقرء المزيد

عقدة الكاوكاو وعجين حلويات اللوز

 

الكاوكاو او اللوز ايلا بغينا نفسخوه نديروه في ما مغلي وتطلع فيه الغلية 2 دقايق ونحيدو ونصفيه ونديرو في ميكة بيضاء ونسد عليه شوية و من بعد نفسخو

كيلو الكاوكاو منقي وناشف + نص كيلو سكر كلاصي + 3 م ك ما زهر ونطحنو 2 مرات + 2 حبات مسكة حرة مدقوقة مع م ص سنيدة + نقطة روح اللوز البنية + م ص زبدة + قطرة روح الزهر ونعجنها مزياان 

ايلا جات العقدة ناشفة ممكن نضيف ليها اصفر بيضة او بيضة كاملة ايلا كان ناشف بزااف 

عجين حلويات اللوز : نص كيلو دقيق + كاس زبدة مدوبة + م ك زيت + بيضة + قبصة ملح + م ك سنيدر ونجمعو بالما زهر + حبة او 2 مسكة حرة + قطرة روح اللوز ونعجن مزيااان .. ما خصهاش تكون خفيفة ونجمعها ونديرها في ميكة ونخليها ترتاح 5 دقايق و نورقها ونديرها بالشكل اللي بيغت ونخليها حتى الغد ليه و نطيبها

اقرء المزيد

لكيكة العائلية بالشكلاط

 

5 بيضات + كاس عنبة حليب مركز محلى كراميل .. ايلا ما كاينش نديرو كاس ونص سنيدة + كاس الا ربع زبدة + نص كاس زيت + م ص الخل + قبصة ملح + فاني + كاس ما دافي غير شوية + رابعة شكلاط دايب + 3 كاس ونص طحين + م ك النشا + م ك الكونفتير + 2 م ك بودرة الكاكاو + 4 خمارت
البيض و الحليب المركز + الخل + الملح ويتطربو + فاني + كاس ما دافي ونطرب + الزبدر + زيت ونطرب + الشكلاط + الدقيق و الخمارات + بودرة الكاكاو + النشا + الكونفتير ونخلط ونديرو في مول كبيير مدهون ومرشوش بالكاكاو ويدخل الفران
ونزوقوها في الاخير باللي بغيت

اقرء المزيد